لاہور۔15مارچ (اے پی پی) وزیر داخلہ شیخ رشید احمد آکھیا جو امپائر پاکستان دے نال ہن، انہاں کوں پاکستان دی فکر اے، اتحادی وزیراعظم عمران خان نال ہن، تصادم توں گریز دی لوڑھ اے، اگر معاملات حل نہ تھیے تاں ولا دمادم مست قلندر تھیسی، پاکستان دا تقاضا اے جو ملک اچ انارکی نہ کھنڈے، وݙے عرصے بعد پاکستان اچ او آئی سی وزرائے خارجہ کانفرنس تھیندی پئی اے۔ منگل کوں لاہور اچ میڈیا نال ڳالھ مہاڑ کریندیں ہوئیں انہاں آکھیا جو 23توں30مارچ تئیں ست ݙینھ ٻہوں اہم ہن، تحریک انصاف ستاوی مارچ کوں جلسے دی تاریخ رکھی اے۔ انہاں آکھیا جو چار مہینے توں مولانا فضل الرحمان لانگ مارچ دی ڳالھیں کریندے پئن، میݙی صرف ایہو گزارش اے جو ملک کوں انارکی آلے پاسے نہ ونجݨ ݙتا ونڄے۔ انہاں آکھیا جو اپوزیشن 23 مارچ کوں آوے سکیورٹی ݙیسوں۔ شیخ رشید آکھیا جو اپوزیشن آوے تحریک عدم اعتماد اچ ووٹ پاوے اگر کہیں روکیا تاں میں ذمہ وار ہم، ایف سی اتے رینجرز دے ݙو ہزار جوان سݙین۔ امپائر پاکستان دے نال ہن، انہاں کوں پاکستان دی فکر اے، اتحادی وزیراعظم عمران خان نال ہن، تصادم توں گریز دی لوڑھ اے۔
