راولپنڈی۔16مارچ (اے پی پی):چیف آف آرمی سٹاف جنرل قمر جاوید باجوہ نال نائیجیریا دے وزیر دفاع میجر جنرل (ریٹائرڈ) بشیر صالحی مگاشی ٻدھ کوں اتھاں جی ایچ کیو اچ ملاقات کیتی۔ ملاقات اچ سانجھی دلچسپی دے امور، علاقائی سلامتی دی صورتحال اتے ݙوطرفہ تعاون تے ڳالھ مہاڑ کیتی ڳئی ۔پاک فوج دے شعبہ تعلقات عامہ (آئی ایس پی آر) موجب آرمی چیف آکھیے جو پاکستان نائیجیریا کوں افریقی براعظم اچ ھک اہم ملک دے طور تے ݙیکھدے اتے اساں علاقائی امن کیتے نائیجیریا دے کردار دی تعریف کریندوں ،معزز مہمان علاقائی استحکام اچ پاکستان دے کردار دی تعریف کیتی تے پاکستان دے نال ہرسطح تے سفارتی تعاون اچ مزید بہتری کیتے اپݨا کردار ادا کرݨ دا عزم ظاہر کیتے۔
