اسلام آباد ۔16مارچ (اے پی پی) وزیر مملکت اطلاعات تے نشریات فرخ حبیب آکھیا جو اسلام دے ٹھیکیدار اسلام دی بجائے اسلام آباد کیتے سیاست کریندے پئن، اسلاموفوبیا بارے او آئی سی دے سارے ملک ہک پیج تے ہن، وزیراعظم عمران خان ہمیشہ اسلاموفوبیا تے ڳالھ کریندے رہیے۔22,23 مارچ کوں 57 ملکاں دے وزرائے خارجہ پاکستان اچ ہوسن۔ ایں موقع تے ݙیݙھ انچ دی مسیت ٻݨاوݨ پاکستان دے فائدے اچ کائنی۔ اے ڳالھیں انہاں وزیر مملکت اطلاعات تے نشریات فرخ حبیب بدھ کوں پریس کانفرنس نال خطاب کریندیں ہوئیں آکھی۔ انہاں آکھیا جو ساریاں کوں قومی سوچ اپناوݨ دی لوڑھ اے، اوآئی سی دا پاکستان اچ تھیوݨ آلے اجلاس اچ امت مسلمہ دی ترجمانی کریسی۔ پوری امت مسلمہ کیتے ہک خوشی دا موقع اے جو اقوام متحدہ دی جنرل اسمبلی ، اسلاموفوبیا دےتدارک کیتے پاکستان ولوں پیش کیتی ڳئی قرارداد کوں متفقہ طور منظور کیتے۔ اوآئی سی دے 2020 اچ اجلاس اچ اساݙے وزیر خارجہ ، 15مارچ کوں اسلاموفوبیا دا جڳ ݙیھاڑ قرار ݙیوݨ دا کریڈٹ وزیراعظم عمران خان کوں ویندے۔ ہک سچے عاشق رسولﷺ، سچے مسلمان ہووݨ دے ناطے عمران خان دنیا دے سامھے اسلام دا مقدمہ لڑیے۔ وزیرمملکت آکھیا جو او مغرب جیڑھا ڳالھ سݨݨ کوں تیار کائنا ہئی او اڄ وزیراعظم عمران خان دے موقف کوں منیندا پئے۔ انہاں آکھیا جو سیاسی سرگرمیاں اوں ویلھے تئیں جمہوریت دا حسن ہن جݙاں تئیں ایں اچ تشدد شامل نہ ہووے۔ ہک مارچ اتے ہک شارٹ مارچ دی اساں موکل ݙتی۔ اگر کوئی تشدد دے بغیر کوئی سرگرمی کرݨ چاہندے تاں اوں اچ کوئی رکاوٹ کائنی۔
