اسلام آباد۔16مارچ(اے پی پی)صدر مملکت ڈاکٹر عارف علوی مارکیٹ لوڑھ دے مطابق خصوصی افراد دی ہنر تئیں رسائی ودھاوݨ کیتے بہترین عالمی طریقہ کار اپناوݨ دی لوڑھ تے زور ݙیندے آکھیے جو سرکاری و نجی شعبے خصوصی افراد کیتے ملازمت دے 5 فیصد کوٹے تے عمل درآمد یقینی ٻݨاون، خصوصی افراد کوں روزگار ݙیوݨ نال مالی شمولیت ودھسی اتے انہاں کوں قومی دھارے اچ رلایا ویسی۔ صدر مملکت اے ڳالھ ایوان صدر اچ خصوصی افراد دی پیشہ وارانہ تربیت دے اجلاس دی صدارت کریندے آکھی۔ خصوصی افراد کوں مالی بااختیار ٻݨاوݨ دے نال نال آکھیا جو سرکاری محکماں، نجی شعبے اتے غیر سرکاری تنظیماں کوں انہاں لوکاں دی مخصوص مہارتاں کون ودھاوݨ کیتے رل تے کم کرݨ دی لوڑھ اے۔
