اقوام متحدہ۔17مارچ (اے پی پی):پاکستان بھارت دی طرفوں جموں و کشمیر کوں ایندا اٹوٹ انگ قرار ݙیوݨ دا دعوی مسترد کریندے ہوئیں آکھیے جو اقوام متحدہ جموں و کشمیر کوں متنازع علاقہ قرارݙتے تے اے عالمی نقشے اچ متنازع علاقہ دے طور تے موجود اے۔ اقوام متحدہ اچ پاکستان مشن اچ قونصلر صائمہ سلیم اقوام متحدہ دے صنفی مساوات دے ودھارے تے تریمتاں کوں بااختیار بݨاوݨ کیتے قائم عالمی بین الحکومتی ادارہ کمیشن آن سٹیٹس آ ف ویمن دے 66ویں سیشن اچ گزریل ݙینھ بھارتی نمائندہ دے ایں دعوی کوں مسترد کرݙتے جو کشمیربھارت دا اٹوٹ انگ اے۔پاکستانی ڈیلیگیٹ صائمہ سلیم آکھیے جو ریاست جموں و کشمیر دی حیثیت دے حتمی فیصلے دااختیار کشمیری عوام اقوام متحدہ دے زیر اہتمام ھک منصفانہ اتے غیر جانبدارانہ استصواب رائے دے ذریعے کرݨا اے جیویں جو سلامتی کونسل دی ٻہوں ساریاں قرارداداں اچ درج اے۔ایں موقع تے پاکستان دی وزیر انسانی حقوق شیریں مزاری وڈیو لنک دے زریعے اپݨے خطاب اچ پوری دنیا دے ڈیلیگیٹس اتے وزرا کوں آکھیے جو بھارت دی طرفوں جموں و کشمیر دے غیر قانونی قبضے کشمیری تریمتاں تے ٻالاں دے حقوق کوں بری طرح متاثر کیتے ۔
