اسلام آباد۔17مارچ (اے پی پی):وفاقی وزیر تعلیم اور پیشہ ورانہ تربیت شفقت محمود آکھیے جو ھکوں سواں قومی نصاب نہ صرف ملک دے تعلیمی نظام اچ تقسیم کوں ختم کریسی بلکہ طلباء کوں برابر دے موقع ݙیوݨ اچ معاون و مددگار ثابت تھیسی۔ فیڈرل بورڈ آف انٹرمیڈیٹ اینڈ سیکنڈری ایجوکیشن دے پوزیشن ہولڈرز طلباء و طالبات اچ اعزازات اتے انعامات دی تقسیم دی تقریب توں خطاب کریندے ہوئیں انہاں آکھیے جو ھکو سواں قومی نصاب پہلے توں ہی کلاس 1 توں5 تئیں لاگو کرݙتا ڳئے ، کلاس 6 توں 8 کیتے ھکوں سواں نصاب اڄوکے سال متعارف کرایا ویسی جݙاں جو کلاس 9 اتے 10 کیتے اے اڳلے سال نافذ تھی ویسی ۔ انہاں آکھیے جو بین الاقوامی طرز عمل دے برعکس ملک اچ انگریزی میڈیم، اردو میڈیم اتے دینی مدارس دی شکل اچ 3 تعلیمی نظام موجود ہن تاں جو ھکو سویں قومی نصاب ایں امتیاز کوں ختم کریسی کیوں جو اے موجودہ حکومت دا بنیادی ہدف رہیے ۔ انہاں آکھیے وزارت تعلیم ھکو سویں قومی نصاب دے نفاذ دے دوران پیش آندی مشکلات تے قابو پاوݨ کیتے وی کوشاں اے ۔ وفاقی وزیر پوزیشن ہولڈر طلبا و طالبات دے نال نال انہاں دے والدین اتے استاداں کوں وی مبارخ ݙتی ۔
