اسلام آباد۔17مارچ (اے پی پی) وزیر خارجہ شاہ محمود قریشی آکھیا جو آسٹریا دی کمپنیاں کیتے پاکستان اچ قابل تجدید توانائی، سیاحت، ہاؤسنگ، زراعت اتے انفارمیشن ٹیکنالوجی دے شعبیاں اچ سرمایہ کاری دےبہترین موقع موجود ہن جڈانجو آسٹرین وزیر خارجہ الیگزینڈر شلن برگ آکھیا جو پاکستان آسٹریا تعلقات نویں دور اچ داخل تھی ڳئن۔ آسٹریا پاکستان نال سیاسی اتے اقتصادی تعلقات کوں ودھاوݨ چاہندے۔ خمیس کوں وزارت خارجہ وفود دی سطح تے مذاکرات دے بعد سانجھی پریس کانفرنس توں خطاب کریندیں ہوئیں وزیر خارجہ شاہ محمود قریشی آکھیا جو آسٹرین ہم منصب نال ملاقات اچ ݙوپاسہ تعلقات، ݙوہیں ملکاں وچال تجارت اتے سرمایہ کاری دے امکانات، علاقائی اتے بین الاقوامی معاملیاں تے سرمایہ کاری دے امکانات، علاقائی اتے بین الاقوامی معاملیاں تے ڳالھ مہاڑ کیتی۔ ایندے علاوہ مقبوضہ جموں تے کشمیر، افغانستان اتے یوکرین دی صورتحال تے وی بحث کیتی ڳئی۔ شاہ محمود قریشی آکھیا جو آسٹریا دے وزیر خارجہ دے رلے دورے تے آئے تاجراں دا وفد تعاون دے ٻئے موقع ڳولݨ دی غرض نال آپݨے پاکستانی ہم منصوبیاں تے مشیر تجارت نال ڳالھ مہاڑ کریسن۔ آسٹریا دے وزیر خارجہ آکھیا جو او آپݨے ملک دے 20 تاجراں نال اتے ہائیڈروجن پاور، انفراسٹرکچر، سیاحت اتے گرین ٹیکنالوجی جیھے مختلف شعبیاں اچ عالمی رہنما ہووݨ پاروں او پاکستان سودھے جنوبی ایشیا اچ نویں منڈیاں دی ڳول اچ ہن۔
