راولپنڈی۔17مارچ(اے پی پی)آرمی چیف جنرل قمر جاوید باجوہ آرمی سروس کور (اے ایس سی) سینٹر نوشہرہ دا دورہ کیتے اتے کور دے کرنل کمانڈنٹ کوں بیجز لاوݨ دی تقریب اچ شرکت کیتی۔ انہاں یادگار شہدا تے پھلاں دی چادر چڑھائی اتے شہداء کیتے فاتحہ پڑھی۔ آرمی چیف میجر جنرل عثمان حق کوں آرمی سروس کور دے کرنل کمانڈنٹ رینک دے بیجز لائے۔ آرمی چیف امن و آپریشن دے مواقع اچ آرمی سروس کور دی خدمات اتے لاجسٹک سپورٹ دی تعریف کیتی۔
