اسلام آباد۔18مارچ (اے پی پی):وزیراعظم دے ترجمان ومعاون خصوصی سیاسی ابلاغ ڈاکٹر شہباز گِل آکھیے جو ن لیگ کنے چھانگا مانگا سیاست دے سوا کجھ کائنی ، انہاں ازل توں مل گھنݨ دے ذریعے اقتدار پاتے۔ جمعے کوں شاہد خاقان عباسی دے بیان تے آپݨے ولدے اچ انہاں آکھیے جو نااہل لیگ کنے چھانگا مانگا سیاست دے سوا کجھ کائنی ، انہاں ازل توں مل گھنݨ دے ذریعے اقتدار پاتے جیڑھا جو جمہوری روایات دے منافی اے ۔ ن لیگ دے قائد دی سیاسی سوچ انہاں دی پارٹی اچ وی پروان چڑھی۔ نااہل درباری ببانگ دہل ہارس ٹریڈنگ دا اعتراف کیتے۔ انہاں آکھیے ن لیگ اچ اتوں تلے تئیں ضمیر فروش ٻیٹھن۔ عوام دے ووٹاں توں نہ آوݨ آلے ہی غیر جمہوری “قومی حکومت” دی ڳالھ کرسڳدن ۔
