اسلام آباد۔19مارچ (اے پی پی) وزیر اعظم دے معاون خصوصی برائے سیاسی ابلاغ ڈاکٹر شہباز گل آکھیا جو شہباز شریف دا آرمی چیف دی تعیناتی یا ایکسٹینشن بارے بیان انہاں دی سیاسی بوکھلاہٹ کوں نشابر کریندے۔ ہفتے کوں آپݨے ٹویٹ اچ انہاں آکھیا جو جئیں دا فیصلہ سال دے چھیکڑ اچ تھیوݨے ایں ایشو تے شہباز شریف آپݨی گندی سیاست اچ استعمال کریندے پئن۔ انہاں آکھیا شہباز شریف تساں کیا فیصلے کرݨے ، اوں ویلھےتئیں تساں جیل اچ ہوسو۔ معان خصوصی آکھیا جو شہباز اتے نواز ہک سکے دے ݙو رخ ہن۔
