اسلام آباد۔19مارچ (اے پی پی) وزیراعظم عمران خان آکھیا جو کرنٹ اکائونٹ خسارے تے قابو پاوݨ کیتے اقدامات دے نیتجے سامھے امدے پئن۔ ہفتے کوں آپݨے ٹویٹ اچ وزیراعظم عمران خان آکھیا جو حسابات جاریہ تے قابو پاوݨ دے اقدامات نتیجہ خیز تھی سڳدے۔ انہاں آکھیا جو انہاں اقدامات پاروں فروری اچ کرنٹ اکاؤنٹ خسارہ صرف 0.5 ارب ڈالر تئیں ڳھت تھی ڳیا جیڑھا جو جنوری اچ ݙو ارب ڈالر ہئی۔ انہاں آکھیا جو فروری دا کرنٹ اکاؤنٹ خسارہ ایں مالی سال اچ ساریاں توں ڳھٹ خسارہ رہیا۔ انہاں آکھیا جو ایں وچال ماضی اچ کیتی ڳئی ساریاں توں ودھ برآمدات دے مقابلے اچ فروری 2022 اچ برآمدات اچ نشابر ودھارا جڈانجو درآمدات اچ 21 فیصد ڳھٹکی تھئی اے جئیں دی بنیادی وجہ وݙے صنعتی اداریاں دی پیداوار اچ مستحکم شرح نمو اے۔
