اسلام آباد۔20مارچ (اے پی پی) وزیراعظم عمران خان آکھیا جو 27 مارچ کوں ڈی چوک اچ عوام دی حاضری دے سارے ریکارڈ بھنݨ چاہندوں۔ اتوار کوں آپݨے ٹویٹ اچ انہاں آکھیو جو 27 مارچ کوں ڈی چوک اچ عوام دی حاضری دے سارے ریکارڈ بھنݨ چاہندوں تانجو پاکستان دی اصل روح دی جنگ اچ عوام دی بھرپور شرکت ہووے۔ انہاں آکھیا جو جیڑھا حق اے اوندے نال کھڑوں اتے سیاسی مافیاز ولوں آپݨی لٹی دولت کوں بچاوݨ کیتے سیاستداناں دے ضمیر گھنݨ دے بے شرمی دے اقدامات دی مذمت کریندوں۔ وزیراعظم عمران خان آپݨے ٹویٹ اچ ستاوی مارچ کوں ڈی چوک اچ امر بالمعروف دےموضوع تے تھیوݨ آلے جلسے دا لوگو وی شیئر کیتا۔
