اسلام آباد۔20مارچ (اے پی پی) وزیر خارجہ مخدوم شاہ محمود قریشی آکھیا جو او آئی سی وزرائے خارجہ کونسل دا 48واں اجلاس تاریخی نوعیت دا اے، اجلاس دے سارے انتظامات پورے کر ڳھدے ڳئن۔ مسلسل ݙوجھی واری او آئی سی وزرائے خارجہ کونسل اجلاس دی میزبانی پاکستان کیتے فخر دی ڳالھ اے، او آئی سی وزرائے خارجہ کونسل اجلاس دے سارے انتظامات پورے کر ڳھدے ڳئن، اجلاس اچ مسئلہ کشمیر اتے فلسطین سودھے مسلم امہ کوں درپیش چیلنجز تے غور کیتا ویسی۔ اسلاموفوبیا دے معاملے تے وزیراعظم عمران خان دا کردار تاریخی اے۔ اتوار کوں او آئی سی وزرائے خارجہ اجلاس دی تیاریاں دا جائزہ ڳھندیں وہئیں نیوز کانفرنس کریندیں ہوئیں اناہں آکھیا جو او آئی سی وزرائے خارجہ کونسل دا 48واں اجلاس تاریخی نوعیت دا اے، اجلاس دے سارے انتظامات پورے کر ڳھدے ڳئن۔ سیکرٹری خارجہ اتے دفترخارجہ اتے بئے حکام دے رلے قومی اسمبلی دے اجلاس دے انتظامات دا جائزہ ڳھدا، سارے انتظامات تسلی بخش ہن۔ انہاں آکھیا جو او آئی سی سیکرٹریٹ دے کافی حکام تشریف ڳھن آئن جڈانجو اتوار دی سویل مصر دے وزیرخارجہ وی اسلام آباد پڄ ڳئن۔ اڄ سنوار کوں ٻئے ملکاں دے وزرائے خارجہ دی آمد متوقع اے۔
