اسلام آباد۔22مارچ (اے پی پی) وزیر خارجہ مخدوم شاہ محمود قریشی آکھیا جو او آئی سی امت مسلمہ کوں درپیش چیلنجز نال نبڑݨ کیتے اجتماعی رد عمل ݙکھاوے۔ انہاں آکھیا جو پاکستان اسلامی تعاون تنظیم دے کردار کوں ٻیا مستحکم ٻݨاوݨ چاہندے۔ کشمیرمیڈیاسروس دے مطابق شاہ محمود قریشی اڄ اسلام آباد اچ اسلامی تعاون تنظیم دی وزرائے خارجہ کونسل دے افتتاحی اجلاس توں خطاب کریندیں ہوئیں آکھیا جو بطور رکن پاکستان اسلامی ملکاں وچال رواداری کوں فروغ ݙیسی۔ وزیر خارجہ شاہ محمود قریشی ، او آئی سی تے زور ݙتا جو او او آئی سی امت مسلمہ کوں درپیش چیلنجز نال نبڑݨ کیتے اجتماعی رد عمل ݙکھاوے۔او آئی سی تقریباً ݙو ارب مسلماناں دی سانجھی آواز اے۔ اے مسلم ملکاں اتے عالمی برادری وچال ہک پل اے۔ انہاں آکھیا جو او آئی سی اجلاس دے 48ویں اجلاس دے چیئرمین دی حیثیت نال پاکستان دا بنیادی ہدف مسلم ملکاں وچال تعاون کوں ٻیا مستحکم کرݨ ہوسی۔
