اسلام آباد۔22مارچ (اے پی پی) او آئی سی وزرائے خارجہ کونسل دے 48ویں اجلاس دے موقع تے وزیر خارجہ مخدوم شاہ محمود قریشی نال بحرین دے انہاں دے ہم منصب عبد الطیف الزیانی ملاقات کیتی۔ وزیر خارجہ نے او آئی سی وزرائے خارجہ کونسل دے 48 ویں اجلاس اچ شرکت کیتے تشریف آوری تے بحرین دے وزیرخارجہ دا شکریہ ادا کیتا۔ ݙوہیں وزرائے خارجہ وچال ݙو پاسہ تعلقات، مختلف شعبیاں اچ ݙو پاسہ تعاون دے ودھارے سودھے اہم علاقائی تے عالمی معاملیاں تے ڳالھ مہاڑ کیتی ڳئی۔ وزیر خارجہ آکھیا جو پاکستان، بحرین نال تعلقات کوں خصوصی اہمیت ݙیندے۔ بحرینی وزیر خارجہ ، پرتپاک خیر مقدم اتے پرخلوص میزبانی تے وزیر خارجہ مخدوم شاہ محمود قریشی دا شکریہ ادا کیتا۔
