اسلام آباد۔22مارچ (اے پی پی) سعودی عرب دے وزیر خارجہ تے او آئی سی سربراہ اجلاس دے چیئرمین فیصل بن فاران السعود آکھیا جو مسئلے دے منصفانہ حل کیتے عالمی برادری کوں کردار ادا کرݨا چہیدے۔ اساں جموں تے کشمیر دی عوام دی پوری حمایت کریندوں۔ منگل کوں او آئی سی سربراہ اجلاس دے چیئرمین دی حیثیت نال اجلاس توں خطاب کریندیں ہوئیں انہاں آکھیا جو او پاکستان دے شکر گزار ہن جنہاں او آئی سی وزرائے خارجہ دے اجلاس اچ شرکت تے پرتپاک خیر مقدم کیتا۔ انہاں پاکستا دے 75 ویں یوم پاکستان تے قوم اتے حکومت کوں مبارخ ݙیندیں ہوئیں پاکستان دی خوشحالی اتے ٻئی کامیابیاں دی دعا کیتی۔ انہاں جنرل اسمبلی اچ اسلاموفوبیا دے خلاف عالمی ݙینھ مناوݨ دی قرارداد دی منظوری مسلم امہ دی وݙی کامیابی قرار ݙتی۔ ایں بارے پاکستان ولوں قرارداد پیش کرݨ اتے او آئی سی سیکرٹریٹ اتے سیکرٹری جنرل دے کردار تے انہاں کوں مبارخ ݙتی ۔ انہاں آکھیا جو اسلاموفوبیا دے خلاف عالمی ݙینھ بین المذاہب ہم آہنگی دے ودھارے اچ معاون ثابت تھیسی۔ سعودی عرب مسئلہ فلسطین تے فلسطینیاں دی حمایت کریندا رہسی۔
