اسلام آباد۔22مارچ (اے پی پی) وزیر خارجہ مخدوم شاہ محمود قریشی نال او آئی سی وزراء خارجہ کونسل دے 48 ویں اجلاس دے موقع تے سعودی عرب، قزاخستان، ترکمانستان اتے گیمبیا دے ہم منصباں دی ملاقاتاں کیتی۔ ترجمان دفتر خارجہ دے مطابق شاہ محمود قریشی اتے انہاں دے سعودی ہم منصب شہزادہ فیصل بن فرحان آل سعود وچال ملاقات اچ پاکستان اچ تعینات سعودی عرب دے سفیر نواف سعید المالکی وی موجود ہن۔ ملاقات اچ ݙو پاسہ تعلقات، کثیرالجہتی شعبہ جات اچ ݙو پاسہ تعاون کوں ودھاوݨ بارے آپسی دلچسپی دے اہم علاقائی اتے عالمی امور تے ڳالھ مہاڑ کیتی ڳئی۔ وزیر خارجہ ، قزاخستان دے وزیر خارجہ مختار تلیبردی نال ملاقات اچ او آئی سی وزراء خارجہ کونسل دے اڑتالھویں اجلاس اچ شرکت تے قزاخ ہم منصب دا شکریہ ادا کیتا۔گیمبیا دے وزیر خارجہ ڈاکٹر مامدو تنگارا نال ملاقات اچ ݙو پاسہ تعلقات اتے آپسی دلچسپی دے اہم علاقائی اتے عالمی امور تے ڳالھ مہاڑ کیتی ڳئی۔ ترکمانستان دے وزیر خارجہ راشد میریدوف نال ملاقات اچ ݙو پاسہ تعلقات، مختلف شعبیاں اچ ݙو پاسہ تعاون دے ودھارے سودھے آپسی دلچسپی دے اہم علاقائی اتے عالمی معاملیاں تے ڳالھ مہاڑ کیتی ڳئی۔
