ریاض۔23مارچ(اے پی پی)سعودی وزیر خارجہ شہزادہ فیصل بن فرحان نال ترکی، چین، تھائی لینڈ، تاجکستان اتے ترکمانستان دے وزرائے خارجہ اسلام آباد اچ او آئی سی دے وزرائے کونسل اجلاس دے موقع تے ملین۔ اے ڳالھ سعودی خبررساں ادارے ݙسائی اے۔ سعودی وزیر خارجہ شہزادہ فیصل بن فرحان اتے ترک وزیر خارجہ مولود اوغلو ݙوہاں ملکاں دے مفادات سانڳے تعلقات، علاقائی و بین الاقوامی صورتحال سودھا مسلم وزرائے خارجہ کانفرنس دے ایجنڈے تے وی الایا۔ شہزادہ فیصل ترکمانستان دے نائب وزیراعظم و وزیر خارجہ رشید میرودوف نال وی ملین۔ انہاں تھائی لینڈ دے ہم منصب نال ݙوطرفہ تعاون دے معاملیاں تے وی ڳالھ مہاڑ کیتی۔ ایں موقع تے پاکستان اچ سعودی سفیر نواف المالکی اتے وزیر خارجہ دے دفتر دے ڈائریکٹر جنرل عبدالرحمن الداود وی موجود ہن۔
