اسلام آباد۔25مارچ (اے پی پی) وفاقی وزیر تعلیم تے پیشہ وارانہ تربیت شفقت محمود پاکستان دی پہلی سکلز یونیورسٹی ‘ پاکستان نیشنل سکلز یونیورسٹی اسلام آباد ‘ دا افتتاح کرݙتے۔ جمعے کوں تھیوݨ آلی تقریب توں خطاب کریندیں ہوئیں انہاں آکھیا جو اساݙی حکومت دا شعبہ ہنر کوں ترجیح ݙیوݨ اصل اچ وزیراعظم عمران خان دا وژن ہئی انہاں دا منݨ اے جو جے تئیں ہنر دا شعبہ ترقی نہ کریسی ملک ترقی نی کریندا۔ انہاں آکھیا جو پہلی واری کہیں حکومت سکلز ڈیویلپمینٹ کیتے 10 ارب دا پیکج ݙتے اتے ایندے سوھݨے اثرات ملدے پئن۔ ایں موقع تے وفاقی وزیر ، نیشل سکلز یونورسٹی دے وائس چانسلر ڈاکٹر مختار احمد دی خدمات دی تعریف کیتی اتے آکھیا جو او ٻہوں محنتی ہن اتے ٻہوں ڳھٹ ویلھے اچ یونیورسٹی کوں ٻہوں اڳوں ڳھن تے ویسن۔
