لاہور۔30مارچ(اے پی پی)وزیراعلی پنجاب سردار عثمان بزدار آکھیے جو چھیکڑی ساہ تئیں وزیراعظم عمران خان دے نال رہساں، کپتان دے عوامی خدمت دے ایجنڈے کیتے پوری کوشش کیتی اے، وزیراعظم عمران خان قوم دی کلہی امید ہین، میݙا جیوݨ مرݨ ہݨ پارٹی اتے عوام نال اے۔ اے ڳالھ انہاں لاہور اچ صوبائی وزرا اتے اراکین پنجاب اسمبلی نال ملݨ ویلھے آکھی۔ ملݨ آلیآں اچ سردار آصف نکئی، آشفہ ریاض، اختر حیات، سلیم سرور جوڑا، لیاقت علی، عامر نواز چانڈیا، گلریز افضل، اعجاز بندیشہ، ٹکٹ ہولڈر احمد چٹھہ شامل ہن۔ انہاں سیاسی صورتحال اتے اپݨے حلقے دی ترقیاتی کماں تے الایا۔ وزیراعلی پنجاب عثمان بزدار آکھیا جو اپوزیشن دی منفی سیاست دا نقصان ملک و قوم کوں تھیندا پئے، سیاسی فساد کھنݙاوݨ آلیاں کوں قوم کݙاھیں معاف نہ کریسی۔
