اسلام آباد۔30مارچ(اے پی پی)وفاقی وزیر اطلاعات و نشریات چوہدری فواد حسین آکھیے جو عمران خان استعفیٰ نہ ݙیسن اتے ملک و قوم دی جنگ لڑدے رہسن، خط پارلیمان دے ان کیمرہ اجلاس اچ پیش کیتا ویسی، ڄینڄھی زبان، دھمکیاں اتے پلان ایں خط اچ استعمال تھین او کہیں ملک کیتے قابل قبول نئیں۔ میڈیا نال الیندے انہاں آکھیا جو خط بارے کابینہ دا خصوصی اجلاس سݙیا ڳیا ہا جیندے اچ خط دے مندرجات ݙسائے ڳین، آفیشل سیکرٹ ایکٹ دے مطابق خط دے مندرجات وفاقی کابینہ اچ پیش کیتن اتے ایندے کڄھ حصے میڈیا اینکرز کوں وی ݙسائن، اے خط پارلیمان دے سامݨے ان کیمرہ سیشن اچ رکھیا ویسی۔ انہاں آکھیا جو عمران خان پاکستان دے عوام اتے پاکستان دی حرمت کیتے لڑدا راہسی، آرمی چیف وزیراعظم نال ملین، نا کہیں وزیراعظم توں استعفیی منڳیے تے نا او ݙیسن، گیم آخری بال تئیں کھیݙسوں جو اے صورتحال 1992ء ورلڈ کپ ڄھیں اے، اساں پچھو ݙسدے پئے ہیں ٻھل اساں ہریے نئیں، اساں اداریاں کوں ترجیح ݙیندے ہیں۔
