اسلام آباد ۔ 09 اکتوبر (اے پی پی) وزیر مملکت برائے داخلہ طلال چودھری آکھیا جو مریم نواز شدید علیل والدہ کوں چھوڑ کراہیں قنون دی عملداری سانگے واپسی آئی،حسین نواز احتساب عدالت اچ پیش ہوونڑ یا نہ ہوونڑ بارے خود فیصلہ کریسن،اساں اے نشابر کرنڑ چاہندوں جو کون قنون دی پاسداری اتے کون صرف گالھیں کریندے،ہک بھگوڑا بہانہ بنڑا کراہیں ملک توں باہر اے،ڈوجھے او اشتہاری ہن جیڑھے جو قنون دی گالھ تاں کریندن پر قنون دے سامنڑے پیش نی تھیندے۔سنوار کوں احتساب عدالت دے باہروں میڈیا نال گالھ مہاڑ کریندیں ہوئیں انہاں آکھیا جو مسلم لیگ(ن) قنون دی پاسداری تے یقین رکھیندی اے۔
