اسلام آباد۔4اپریل (اے پی پی) وزیراعظم عمران خان آکھیا جو اساݙی حکومت جیھی کارکردگی کہیں دی حکومت نی ݙکھائی، اساں الیکشن دی تیاری شروع کر ݙتی اے، ٹکٹس صرف اونکوں ݙیسوں جیڑھا ملک دا سوچݨ آلا ہوسی۔ پی ڈی ایم کوں ݙر ہئی جو اساں مدت پوری کیتی تاں انہاں دی سیاسی دکان بند تھی ویسی۔ اپوزیشن آپݨے خلاف کرپشن کیسز ختم کراوݨ کیتے این آر او چاہندی اے، 20، 25 کروڑ روپے نال ضمیر ڳھدے ڳئن، کیا ضمیر گھن تے حکومت کرݨ جائز اے؟ ضمیر ویچݨ آلیاں دی سیاست مُک ویسی۔ اساں الیکشن دی تیاری شروع کر ݙتی اے ، ٹکٹس صرف اونکوں ݙیسوں جیڑھا ملک دا سوچݨ آلا ہوسی۔ امیدواراں دے خود انڑویو کریساں۔ اے ڳالھیں انہاں سنوار کوں ”آپ کا وزیراعظم آپ کے ساتھ” پروگرام اچ عوام دی فون کالز دا جواب ݙیندیں ہوئیں آکھی۔ انہاں آکھیا جو ملک دی اڄوکی صورتحال پاروں تساں نال ڳالھ کرݨ دا فیصلہ کیتے، اساں الیکشن کراوݨ دا فیصلہ کیتے، اپوزیشن ترائے سالیں توں آکھدی پی ہئی جو حکومت ناکام تھی ڳئی اے، اپوزیشن دے آکھݨ تے نویں انتخابات دا اعلان کر ݙتے۔ اپوزیشن سپریم کورٹ اچ کیا کریندی پئی اے؟ اے پچھلے ساݙھے ترائے سالیں توں این آر او منڳدے پئن، انہاں دے خلاف نوے فیصد کیسز تاں پچھلے دور دے ٻݨیے ہوئن۔ انہاں آکھیا جو شہباز شریف اتے اوندا پتر ضمانت تے ہن، نواز شریف سزا یافتہ اے۔ ہک سوال دے ولدے اچ انہاں آکھیا جو اساکوں الیکشن لڑݨ دا تجربہ کائںا ہئی، ہݨ الیکشن دی تیاری شروع کر ݙتی اے۔ آندے الیکشن اچ الیکٹبلز دی بجائے نظریہ کوں ترجیح ݙیسوں۔ بے شک الیکشن ہر ونجوں پر ٹکٹ صرف ملک دا سوچݨ آلیاں کوں ݙیسوں۔
