دنیا دی 99 فیصد آبادی خراب ہوا اچ ساہ گھندی پئی اے ،مشرقی بحرہ روم، جنوب مشرقی ایشیائی اتے افریقی خطے اچ ہوا دا معیار ساریں توں ودھ ناقص اے، عالمی ادارۂ صحت

ویانا ۔6اپریل (اے پی پی):عالمی ادارۂ صحت موجب دنیا دی 99 فی صد آبادی آلودہ ہوا اچ ساہ گھندی پئی اے ہر سال 1 کروڑ 30 لکھ لوک ماحولیاتی مسئلیں دی بنا تے موت دے منہ اچ چلے ویندن جنہاں اچوں 70 لکھ توں ودھ لوک ہن جیڑھے جو فضائی آلودگی دی وجہ توں مردن ۔امریکی نشریاتی ادارے موجب ڈبلیو ایچ او دے شعبہ ماحولیات، موسمیاتی تبدیلی اتے صحت اچ تکنیکی افسر سوفی گمی میڈیا کوں ݙسائے جو عملی طور تے پوری دنیا غیر صحت مند ہوا اچ ساہ گھندی پئی اے اعدادوشمار توں پتہ لڳدے جو مشرقی بحرہ روم، جنوب مشرقی ایشیائی تے افریقی خطیں اچ ہوا دا معیار ساریں توں ودھ ناقص اے۔انہاں ݙسایا جو اساکوں توانائی دے صاف، جدید ، پائیدار اتے قابل تجدید ذرائع دی طرفوں منتقلی کوں تکھا کرݨ توانائی پیدا کرݨ کیتے فوصل ایندھن تے انحصار ختم کرݨ محفوظ اتے سستی پبلک ٹرانسپورٹ سسٹم دی تعمیر، گاݙیاں دے دھویں دی روک تھام،گھٹ توانائی استعمال کرݨ آلے مکانات اتے پاور جنریشن اچ سرمایہ کاری اتے صنعت تے میونسپل فضلے کوں تلف کرݨ دے کم کوں مزید بہتر بݨاوݨ دی لوڑھ اے ۔