اسلام آباد۔7اپریل (اے پی پی):پاکستان تحریک انصاف دے رہنما سینٹر فیصل جاوید آکھیے جو ڈپٹی سپیکر دی رولنگ دا معاملہ سپریم کورٹ اچ زیر سماعت اے ،عدالت عظمی دا جیڑھا وی فیصلہ ہوسی اساکوں قبول ہوسی ، اے ڳالھ انہاں خمیس کوں اتھاں سپریم کورٹ دے باہروں پی ٹی آئی رہنما علی محمد خان دے رلے صحافیاں نال ڳالھ مہاڑ اچ آکھی اے ، انہاں آکھیے جو ٻاہرلے خط اچ آکھیا ڳئے جو وزیراعظم کوں جے نی ہٹایا ویندا تاں پاکستان کوں سنگین نتائج چاوݨے پوسن ،ایں تے ٻہوں سارے سوال اٹھدن ، عدم اعتماد توں ترائے ݙینھ پہلے قومی سیکورٹی کمیٹی دا اجلاس رکھیا ڳیا ہئی ،اپوزیشن آکھیے جو قومی سیکورٹی کمیٹی اجلاس کیتے اساکوں کوئی دعوت نامہ نی ݙتا ڳیا انہاں کوں باضابطہ خط لکھ تے سݙیا ڳئے لیکن اے نی آئے متحدہ اپوزیشن دا مقصد عدم اعتماد گھن آتے انتخابات اچ ای وی ایم مشین دے استعمال کوں ختم کرݨا ہئی،انہاں دا مقصد نیب اتے اوورسیز پاکستانیاں دے ووٹ کوں ختم کرݨا ہئی۔
