اسلام آباد۔7اپریل (اے پی پی):پاکستان تحریک انصاف دے رہنما شاہ محمود قریشی آکھیے جو ڈپٹی سپیکر دی رولنگ دا معاملہ سپریم کورٹ اچ زیر سماعت اے ،اے ھک اہم کیس اے ،آرٹیکل 69 آکھدے جو پارلیمنٹ دے معاملات پارلیمنٹ اچ رہݨے چاہیدن ،جے سپیکر دی رولنگ غلط ہئی تاں وی آرٹیکل 69 ایں کوں تحفظ ݙیندے ،اساں اے منیندوں جو ڈپٹی سپیکر کوئی آئین شکنی نی کیتی ،آئین دا حلف گھن تے پارلیمان اچ آئے تاں آئین کوں وی کݙاہیں نی تروڑ سڳدے ، 73 دے آئین اچ ہے جو ریاست دے ذمہ داراں دی اپݨی اپِݨی ذمہ واری اے،مقننہ اتے عدلیہ دی اپݨی ذمہ واری اے۔ اے ڳال انہاں خمیس کوں اتھاں سپریم کورٹ دے باہروں صحافیاں نال ڳالھ مہاڑ کریندے آکھی اے ۔ شاہ محمود قریشی آکھیے جو نیشنل سکیورٹی کمیٹی اچ خط دا معاملہ زیر بحث آیا ،اپوزیشن دے کجھ لوکاں ایں خط کوں نقلی آکھیا ،نیشنل سکیورٹی کمیٹی دی میٹنگ دے بعد اہم فیصلے کیتے ڳئے ،دفتر خارجہ کوں ڈی مارش(احتجاجی مراسلہ ) کرݨ دا آکھیا ڳیا ہئی ،اپوزیشن کوں نیشنل سیکورٹی کمیٹی کیتے دعوت نامے بھیجے ڳئے ہن،اپوزیشن کوں شک ہئی جو او قومی سلامتی کمیٹی اچ آندے جواب منگدے ،اے پروسیجر مکمل ہووݨا ہئی ڈپٹی سپیکر انکار نہ کیتا ہئی ،اے لوک خود نی کھڑے ایں صورت حال کوں سامݨے رکھیندے ہوئیں عدم اعتماد دی تحریک مسترد کر ݙتی ،نویں چیز دے سامݨے آوݨ تے ڈپٹی سپیکر رولنگ ݙتی ،جیڑھے حقائق قومی سلامتی کمیٹی دے سامݨے آ چکن او اہم ہن ،نیشنل سکیورٹی کمیٹی ساݙے موقف دی تائید کیتی اے۔
