اسلام آباد۔7اپریل (اے پی پی) پاکستان تحریک انصاف دے رہنما فرخ حبیب آکھیا جو چوراں دا ٹولہ ہک انتخابی نشان ڳھن ڳھنے، اساں اوندا مقابلہ کریسوں۔ پاکستان دی عوام فیصلہ کرتے ٻیٹھن، آندے انتخابات دے بعد وزیراعظم عمران خان ای ہوسن۔ اے ڳالھیں انہاں خمیس کوں سپریم کورٹ دے ٻاہر صحافیاں نال ڳالھ مہاڑ کریندیں ہوئیں آکھی۔ فرخ حبیب آکھیا جو پاکستان دی عوام کوں بھکاری آکھیا ڳئے، لوک آپݨے پیٹ تے پتھر بدھݨ کوں تیار ہن پر پاکستان دی عوام بھکاری کائنی۔ انہاں آکھیا جو قومی اسمبلی دی سلامتی کمیٹی توں اے ٻھجے ہن، اپوزیشن پاکستان دے جمہوری نظام دا مذاق اݙائے۔ انہاں آکھیا سپریم کورٹ دا جیڑھا فیصلہ امسی اوندا احترام کریسوں۔
