برازاویلے۔8اپریل (اے پی پی):عالمی ادارہ صحت(ڈبلیو ایچ او ) اچ افریقی اموردے ڈائریکٹر ماچیڈیسو موتی آکھیے جو افریقہ اچ کورونا وائرس توں متاثرہ لوکاں دی اصل تعداد رپورٹ شدہ کیسز توں ودھ اے ۔ چینی ریڈیو دے مطابق کانگو اچ آن لائن پریس کانفرنس اچ انہاں خیال ظاہر کیتے جو افریقہ دی ݙو تہائی توں ودھ آبادی کورونا وائرس دی وبا توں متاثر تھی چکی اے ۔ڈبلیو ایچ او دے ھک مطالعہ دا حوالہ ݙیندے ہوئیں انہاں آکھیے جو افریقہ اچ متاثرہ کیسز دی حقیقی تعداد رپورٹ شدہ مصدقہ کیسز دی تعداد توں 97 گنا زیادہ تھی سڳدی اے ، انہاں نشاندہی کیتی جو ڈبلیو ایچ او دی تحقیقی رپورٹ توں اے ثابت تھیندے جو کورونا وائرس بدستور کھنڈا پئے ۔ ماچیڈیسو موتی ھک واری ول کوروناویکسی نیشن دی اہمیت تے زور ݙیندے ہوئیں افریقی ملکاں توں ویکسی نیشن کوں تکھا کرݨ دا مطالبہ کیتے ۔
