اسلام آباد۔8اپریل (اے پی پی):گزریل 24 گھنٹے اچ پورے ملک اچ صرف 141 لوکاں اچ کورونا وائرس دی تصدیق تھیوݨ دے بعد مثبت کیسز دی شرح 0.52 رہی۔ جمعے کوں قومی ادارہ صحت دی طرفوں جاری ٹویٹ اچ ݙسائے ڳئے اعدادوشمار دے مطابق گزریل 24 گھنٹے اچ 27 ہزار 003 کورونا ٹیسٹ کیتے ڳئن جنہاں اچوں 141 لوکاں دے ٹیسٹ مثبت آئے ۔ٹیسٹاں دی مثبت شرح 0.52 فیصد رہی ۔ کورونا توں جاں بحق دی تعداد صفر ریکارڈ کیتی ڳئی جݙاں جو 280 مریضاں دی حالت تشویشناک اے۔
