ملتان۔8اپریل (اے پی پی):ڈی ایس ریلوے ملتان ڈویژن نوید مبشر چوہدری آکھیے جو رمضان المبارک دا مہینہ اساکوں عبادات دے علاوہ بے سہارا لوکاں دے نال تعاون دا وی درس ݙیندے ، اے ڳالھ انہاں ملتان ریلوے سٹیشن تے جلال الدین رومی ٹرسٹ دی طرفوں قلیاں اتے غریب لوکاں اچ راشن تقسیم کرݨ دی تقریب توں خطاب کریندے ہوئیں آکھی اے ۔نوید مبشر چوہدری آکھیے جو غربت دے باوجود محنت …
ماہ صیام اساکوں عبادات دے علاوہ بے سہارا لوکاں نال تعاون دا درس وی ݙیندے ،ڈی ایس ریلوے ملتان ڈویژن
ملتان۔8اپریل (اے پی پی):ڈی ایس ریلوے ملتان ڈویژن نوید مبشر چوہدری آکھیے جو رمضان المبارک دا مہینہ اساکوں عبادات دے علاوہ بے سہارا لوکاں دے نال تعاون دا وی درس ݙیندے ، اے ڳالھ انہاں ملتان ریلوے سٹیشن تے جلال الدین رومی ٹرسٹ دی طرفوں قلیاں اتے غریب لوکاں اچ راشن تقسیم کرݨ دی تقریب توں خطاب کریندے ہوئیں آکھی اے ۔نوید مبشر چوہدری آکھیے جو غربت دے باوجود محنت نال کم کرݨ آلے قلی ریلوے دا اثاثہ ہن انہاں دی امداد دا سلسلہ جاری رہسی ۔انہاں آکھیے اساں جلال الدین رومی دے مشکور ہیسے تے انہاں دے تعاون توں170 قلیاں سودھے غریب اتے مستحق لوکاں اچ راشن اتے مالی امداد تقسیم کیتی ڳئی اے، انہاں آکھیے جو معاشرے دے مخیر حضرات کوں مستحق لوکان دی امداد کیتے آوݨا چاہیدے تاں جو انہاں دیاں خوشیاں کوں ودھایا ونڄ سڳے ایں موقع تے موجود قلیاں اتے غریب لوکاں ڈی ایس ملتان تے جلال الدین رومی ٹرسٹ دے روح رواں کیتے نیک تمناواں دا اظہار کیتا۔
