اسلام آباد۔14اپریل (اے پی پی):پاکستان مسلم لیگ (ن) دی ترجمان مریم اورنگزیب آکھیے جو سابق وزیر اعظم عمران خان آئین تے حملہ اتے آئین شکنی دے سنگین جرائم کیتن ، عمران خان 22 کروڑ عوام تے آئین کوں یرغمال بݨائے جیں دی سزا آرٹیکل 6 اے۔ خمیس کوں آپݨے ھک بیان اچ عمران خان دے خطاب تے ردعمل ݙیندے ہوئیں مریم اورنگزیب آکھیے جو عدالتاں ایں کیتے کھلئن تاں جو آئین اتے قانون تے عمل تھیوے، عدالتاں ایں کیتے کھلئن جو کیوں جو تساں عدالت کوں کوڑ ماریے ، عدالتاں ایں کیتے کھلیاں تاں جو تساکوں لڳ پتہ ونڄے جو ملک آئین دے تحت چلسی ،تساݙے حکم اتے خواہش تے کائناں ،عدالتاں ایں کیتے کھلیاں کیوں جو تساں آئین تے پارلیمنٹ کوں یرغمال بݨایا ہویا ہئی ۔ انہاں آکھیے عمران صاحب اے ملک 22 کروڑ لوکاں دی امانت اے، او تساݙے غلام کائنی ایں سانگے عدالتاں ادھ رات کوں کھلیاں ۔
