اسلام آباد۔15اپریل(اے پی پی) نیپرا بجلی 4 روپے 85 پیسے یونٹ مہانگی کرݨ دی منظوری ݙے ݙتی اے۔ ݙسایا ڳئے جو اے ودھارا اپریل دے فیول ایڈجسٹمنٹ دی مد اچ کیتا ڳئے۔ سی پی پی اے جی 4 روپے 94 پیسے فی یونٹ ودھارے دی درخواست کیتی ہئی۔ نیپرا 31 مارچ 2022 کوں ایف سی اے تے عوامی سماعت کیتی ہئی۔ نیپرا ایندے توں پہلے جنوری دا ایف سی اے صارفین توں 5 روپے 94 پیسے ڳھدا ہا ڄیڑھا صرف ہک مہینے کیتے ہا۔ فروری دا ایف سی اے جنوری دی نسبت ہک روپے 9 پیسے اپریل اچ ڳھٹ چارج کیتا ویسی۔ این ودھارے دا اطلاق صرف اپریل دے بلاں تے تھیسی۔ نوٹیفکیشن موجب ودھارے دا اطلاق ڈسکوز دے صارفین سوائے لائف لائن صارفین تے تھیسی۔ کے الیکٹرک صارفین تے ایندا اطلاق نہ تھیسی۔
