اسلام آباد۔20اپریل (اے پی پی)وفاقی وزیر خزانہ تے محصولات مفتاح اسماعیل آپݨے ٹویٹس اچ آکھیے جو پچھلی حکومت تریخ دا سب توں وݙا بجٹ خسارہ اتے تجارتی خسارہ چھوڑیے، مہنگائی دی شرح بلند ترین ہئی، کݨک تے کھنڈ اساں جیرھی برآمد کریندے ہاسے درآمد کرݨ تے مجبور ہیں، انہاں آکھیے روپے دے مل اچ تاریخی گھٹکی، اتے زرمبادلہ دے ذخائر اچ وی گھٹکی تھئی اے ،پر اسد عمر صاحب آہدن جو معیشت چنڳی اے،غلط بیانی دی وی حد ہوندی اے وزیر خزانہ آکھیے جو شہباز شریف دی حکومت ای سی سی دے پہلے اجلاس اچ تیل دا مل برقرار رکھݨ کیتے 31 ارب روپے دی منظوری ݙتی اے،یکم توں 15 اپریل تئیں پٹرولیم مصنوعات دا مل برقرار رکھݨ دا اعلان پی ٹی آئی حکومت کیتا ہا پر ایندے کیتے فنڈز مختص نہ کیتے ڳئے ہن ،انہاں آکھیے جو 16 اپریل توں 30 اپریل تئیں دی مدت کیتے پٹرولیم مصنوعات دیاں قیمتاں برقرار رکھݨ دا فیصلہ ساݙی حکومت کیتے تے ایندے کیتے 36 ارب روپے دے فنڈز رکھیے ڳئن،ایں توں علاوہ مارچ دے مہینے دے ݙو ارب دے بقایاجات وی ساݙی حکومت بھریندی پئی اے ، انہاں آکھیے جو انہاں فیصلیاں نال کیش دی صورت اچ بہتری آسی جیندے نال پٹرولیم مصنوعات دی رسد اچ آوݨ آلیاں رکاوٹاں کوں پرے کرݨ اچ مدد ملسی۔
