اسلام آباد۔20اپریل (اے پی پی):وزیراعظم شہباز شریف نال پاکستان اچ برطانیہ دے ہائی کمشنر ڈاکٹر کرسچن ٹرنر ٻدھ کوں اتھاں ملاقات کیتی اے ۔ وزیراعظم آفس دے میڈیا ونگ توں جاری بیان موجب برطانوی ہائی کمشنر وزیراعظم شہباز شریف کوں وزارت عظمیٰ دا منصب سنبھالݨ تے مبارخ ݙتی تے برطانوی حکومت دی طرفوں انہاں کیتے نیک خواہشات دا اظہار کیتے۔ وزیراعظم شہباز شریف برطانوی وزیراعظم بورس جانسن دے تہنیتی ٹویٹ تے انہاں دا شکریہ ادا کیتا۔ وزیراعظم آکھیے جو پاکستان برطانیہ نال آپݨے تعلقات کوں قدر دی نگاہ نال ݙیکھدے جیڑھا جو وسیع پیمانے تے مختلف امور اچ تاریخی رابطے تے مشترکہ مفادات تے مبنی ہن۔ وزیراعظم بہتر تجارتی اتے سرمایہ کاری تعلقات دی اہمیت تے زور ݙتا۔ انہاں ݙوہیں ملکاں وچال تعلقات کوں سٹریٹجک سطح تے ودھارا ݙیوݨ دی لوڑھ تے وی زور ݙتا ۔وزیراعظم برطانیہ اچ رہݨ آلے تقریباً 1.6 ملین سمندرپار پاکستانیوں دے ݙوہیں ملکاں وچال ادا کیتے ونڄݨ آلے پل دے کردار کوں اجاگر کریندے ہوئیں قانونی ہجرت دے شعبے اچ تعاون کوں مستحکم کرݨ دی لوڑھ تے زور ݙتے ۔ وزیراعظم پاکستان اچ تعلیم ، صحت اتے ٻئے سماجی شعبیں دے ودھارے کیتے برطانیہ دے اقدامات دی وی تعریف کیتی ۔
