اسلام آباد۔22اپریل (اے پی پی):وفاقی وزیر منصوبہ بندی ترقی واصلاحات وخصوصی اقدامات احسن اقبال آکھیے جو سی پیک دے تحت 9 سپیشل اکنامک زونز 2020 تئیں مکمل تھیوݨے ہن انہاں اچوں صرف 4 تے کم شروع تھی سڳیے ۔ جمعے کوں ٹویٹر تے شئیر کیتے ڳئے چارٹ اچ وفاقی وزیر آکھیے جو نیازی حکومت دے حوالے نال ہر ݙینھ نواں انکشاف تھیندے ، انہاں دی کارکردگی دا اندازہ ایں چارٹ توں لاتا ونڄ ڳدے ۔ سی پیک دے تحت 9 سپیشل اکنامک زونز 2020 تئیں مکمل تھیوݨے ہن انہاں اچوں صرف 4 تے کم شروع تھی سڳیے تے انہاں تے کم دی رفتار دا اندازہ خود لا گھنن ۔انہاں آکھیے ہݨ انہاں دے 2024 توں 2027 تئیں مکمل تھیوݨ دا اندازہ لاتا ڳئے ۔
