اسلام آباد۔22اپریل(اے پی پی)صدرمملکت ڈاکٹر عارف علوی بینک الفلاح کوں بینکنگ فراڈ متاثرہ شہریاں کوں 19 لکھ روپے ولا ݙیوݨ دا حکم ݙیندے آکھیے جو بینک صارفین کوں انٹرنیٹ بینکنگ، ڈیجیٹل خدمات، فراڈ توں بچݨ کیتے حفاظتی اقدامات ݙسائے ونڄن۔ صدر مملکت لاہور دے شہری محمد شہزاد دے اکاؤنٹ توں غیرقانونی طور تے 15 لکھ روپے کݙھݨ دی شکایت تے فوری ادائیگی دی ہدایت کیتی۔ ایویں گوجرانوالہ دی شہری اسماء عتیق دے اکائونت توں 5 لکھ روپے کݙھݨ دی شکایت تے وی بنک کوں ادائیگی دا حکم ݙتے۔ صدر آکھیے جو صارفین دے مفادات دا تحفظ بنک دی ذمہ واری اے، الیکٹرنک خدمات اچ احتیاط ورتی ونڄے اتے سٹیٹ بینک آف پاکستان دے قواعد و ضوابط تے عمل کیتا ونڄے۔
