اسلام آباد۔26اپریل (اے پی پی):وزیراعظم شہباز شریف وزیراعلیٰ سندھ سید مراد علی شاہ کوں ٹیلی فون کیتے اتے جامعہ کراچی اچ وین دھماکے بارے معلومات ڳھدن ، وزیراعظم واقعے اچ ݙو تریمتاں سودھے چینی باشندیں تے ڈرائیور دے جاں بحق تھیوݨ تے ݙکھ تے افسوس کیتے ۔ وزیراعظم میڈیا آفس ݙسائے جو وزیراعلیٰ سندھ جامعہ کراچی اچ دھماکے دیاں تفصیلات وزیراعظم کوں ݙسائن ۔ وزیراعظم زخمیاں کوں علاج معالجہ دیاں بہترین سہولتاں ݙیوݨ دی ہدایت کیتی۔وزیر اعلیٰ سندھ وزیراعظم کوں یقین ݙیوائے جو دہشت گردی دیاں پاڑاں پٹݨ کیتے پورا ہتھ وندیسوں ۔ وزیراعظم آکھیے دہشت گرد پاکستان دے دشمن ہن، اتحاد تے اجتماعی کوششاں نال انہاں کوں مار مکیسوں ۔
