آزادی اظہار رائے تے کہیں قسم دا دھک لاوݨ دے حق اچ کائنی، ہݨ نہ کوئی چینل بند تھیسی، نہ پروگرام تے نہ ہی کوئی اخبار، وفاقی وزیر اطلاعات مریم اورنگزیب

اسلام آباد۔27اپریل(اے پی پی)وفاقی وزیر اطلاعات و نشریات مریم اورنگزیب آکھیے جو آزادی اظہار رائے تے کہیں قسم دا دھک لاوݨ دے حق اچ کائنی ، ہݨ نہ کوئی چینل بند تھیسی تے نہ پروگرام اتے نہ کوئی اخبار، اساں آزادی اظہار رائے تے یقین رکھیندوں، کوڑیاں خبراں مکاوݨ کیتے عملی کوششاں دی لوڑھ اے، وزیراعظم دے اڄوکے دورہ سعودی عرب بارے وی کوڑیاں خبراں چلایاں ڳئن، وزیراعظم دا دورہ سعودی عرب ذاتی خرچ تے تھیندا پئے، صرف 13 ارکان وزیراعظم دے وفد اچ شامل ہن۔ اے ڳالھ انہاں سینیٹ دی قائمہ کمیٹی اطلاعات و نشریات دے اجلاس اچ خطاب کریندے ہوئیں آکھی اے۔ قائمہ کمیٹی دے اجلاس دی صدارت سینیٹر فیصل جاوید کیتی۔ اجلاس اچ وفاقی وزیر اطلاعات دے علاوہ کمیٹی دے ارکان اتے وزارت اطلاعات دے حکام شرکت کیتی۔ قائمہ کمیٹی مریم اورنگزیب کوں وفاقی وزیر اطلاعات دا منصب سنبھالݨ تے مبارخ ݙتی۔ وزارت اطلاعات دے حکام ”ڈیجیٹل ریڈیو مائیگریشن” پراجیکٹ بارے کمیٹی کوں تفصیلی بریفنگ ݙتی۔