اسلام آباد۔6مئی(اے پی پی)صنعت و پیداوار دے وفاقی وزیر مخدوم مرتضیٰ محمود آکھیے جو حکومت ملک دی معیشت بحال کرݨ کیتے ہنگامی اقدامات کریندی پئی اے اتے ایں سانڳے وزیراعظم شہبازشریف ݙینھ رات ہک کیتی پین۔ رحیمیار خان توں جاری ہک بیان اچ انہاں آکھیا جو وزیراعظم شہبازشریف پاکستان کوں ولا ترقی دے رستے تے سٹݨ چاہندن جیندے کیتے سارے اتحادیاں دی مشاورت نال اقدامات کیتے ویندے پن۔ انہاں آکھیا جو وزیر اعلیٰ پنجاب حمزہ شہباز جنوبی پنجاب دی ترقی کیتے ودھ اقدامات دا یقین ݙیوائے، او مہانگ دے ماریے لوکاں کوں ریلیف ݙیوݨ کیتے جامع حکمت عملی دے مطابق کم کریسن۔
