اسلام آباد۔12مئی (اے پی پی):وزیراعظم محمد شہبازشریف آکھیے جو طب دے شعبہ اچ خدمات ݙیوݨ تے نرسز دا بنیادی اتے کلیدی اے، اوکھے ویلھے تے تکلیف اچ مبتلا مریلا دی ݙکھ بھال اچ نرساں دی خدمات قابل تحسین ہن ، نرسنگ دے شعبے نال وابستہ تریمتاں تے مرد حضرات کوں بہتر سہولتاں تےمعاوضیں دی ادائیگیاں کوں بہتربݨاوݨ دی لوڑھ اے ۔ پاکستان اچ نرسنگ دے شعبے دے حالات کار اچ بہتری، تعلیم وتربیت دامعیار مزید ودھاوݨ تے معاوضیں کوں مناسب بݨاوݨ کیتے اصلاحات کریسوں ۔خمیس کوں وزیراعظم آفس دے میڈیاونگ توں جاری بیان موجب وزیراعظم نرسزدے عالمی ݙینھ تے آپݨے پیغام اچ پوری دنیا اچ نرسنگ دے شعبے نال جڑیے لوکاں کوں خراج تحسین پیش کریندے ہوئیں آکھیےجو انسانیت دی خدمات تے پوری دنیا اچ خاص طور تے پاکستان دی نرسز دا شکریہ ادا کریندن ۔ نرساں انسانیت دی خدمت دا ٻہوں وݙا شعبہ اے، انہاں دی طبی خدمات دا اعتراف کریندن ۔ کورونا وباء اچ نرسز ڈاکٹرز دے رلے جان دی پروا نہ کریندے ہوئیں قابل قدر خدمات انجام ݙتن ۔ انہاں آکھیے جو ڈاکٹرز دے نال نال نرساں وی آپݨی جاناں دی قربانی ݙے تے کورونا دی جنگ لڑی ۔ ڈاکٹرز تے نرساں کورونا دے اوکھے ویلھے آپݨی زندگی اتے ٻالاں کیتے ویلھا وی انسانیت دی خدمات تے قربان کرݙتا ۔
