اسلام آباد۔12مئی(اے پی پی)پاک فوج دے شعبہ تعلقات عامہ (آئی ایس پی آر) کور کمانڈر پشاور بارے سینئر سیاستداناں دے اڄوکے بیانات کوں نامناسب قرار ڈیندے آکھیے جو سیاسی قیادت اینڄھے بیانات توں گریز کرے۔ پاک فوج کے شعبہ تعلقات عامہ (آئی ایس پی آر) دا ہک بیان اچ اکھݨ ہا جو پشاور کور پاکستان آرمی دی ہک ممتاز فارمیشن اے، پشاور کور ݙو ݙھاکیاں توں دہشت گردی دے خلاف قومی جنگ اچ ہراوّل دستے دا کردار ادا کریندی پئے اے جیندی قیادت ہمیشہ بہترین پروفیشنل افسران کوں ملدی اے۔ آئی ایس پی آر موجب پشاور کور کمانڈر بارے اہم اتے سینئر سیاستداناں دے اڄوکے بیانات ٻہوں نامناسب ہی جیندے نال سپاہ اتے قیادت دا مورال اتے وقار متاثر تھیندے، افواج پاکستان دے بہادر سپاہی اتے آفیسرز ہر ویلھے وطن دی خودمختاری اتے سالمیت دی حفاظت اپݨی جان تلی تے رکھ تے ودن، امید اے جو سینئر قومی سیاسی قیادت ادارے دے خلاف اینڄھے متنازع بیانات توں گریز کریسن۔
