اسلام آباد۔12مئی(اے پی پی سرائیکی نیوز سروس) ہیومین رائٹس کمیشن آف پاکستان چولستان اچ کریہہ تے چنتا کریندے آکھیے جو انسانی حقوق دی پامالی تے آواز چاوݨ ساݙی ذمہ داری اے۔ ہیومن رائٹس کمشین آف پاکستان دے سیکرٹری جنرل حارث خلیق اے پی پی دی سرائیکی نیوز سروس نال الیندے ݙسائے جو کمیشن دی ٹیم تیکھے چولستان ویندی پئی اے جتھاں انسانی حقوق سانڳے کم کیتا ویسی۔ انہاں چولستان اچ خاص کر پاݨی دی قلت اتے کریہہ دی صورتحال تے چنتا کریندے آکھیا جو انسانی حقوق دی جتھاں وی پامالی ہووے اوندے تے آواز چاوݨ ساݙی ذمہ داری اے، چولستان اچ پاݨی نہ ہووݨ ہک ٻہوں وݙا مسلہ اتے انسانی اوکھ اے، ایں سانڳے اساں پنجاب اتے وفاقی حکومت کوں ارداس ݙیندے ہیں جو او فوری ایندے تے نوٹس ڳھندے ہوئے سرائیکی وسیب اتے سندھ سودھا خیبرپختونخواہ اچ کہیں وانڄھ توں بغیر پاݨی ݙیوݨ دے اقدامات کرن۔
