اسلام آباد۔13مئی(اے پی پی)وفاقی وزیر خزانہ مفتاح اسماعیل آکھیے جو ڈالر دی قدر اتے مہانڳ ودھݨ عمران خان دے آئی ایم ایف نال معاہدے اتے ایندی خلاف ورزی دے اثرات ہین، اساں عمران خان دے وعدہ خلافیان توں نکلسوں تاں ہی ڈالر اتے مہانگ تلے آسی، عمران خان دے چار سالہ ناکام طرز حکمرانی پاروں ملک بحراناں وات آندا پئے، تاریخ دا سب توں ودھ قرضہ، خارجہ سطح تے غلط پالیسیاں اتے غیر ضروری سبسڈی نال ملکی معاشی صورتحال شدید مالی دباؤ دا شکار اے، اساں تیکھے مسالیاں دی دلدل اچوں نکل آسوں اتے سٹاک ایکسچینج ولا اتے ویسی۔ انہاں آکھیا جو عمران خان معیشت کوں جتھاں سٹ ڳین اتھو چاوݨ کوئی سوکھ نئیں، پٹرول دے ملھ اچ رعایت ہک وݙا مسلہ اے، ایندا ارباں روپے دا نقصان تھیندا پئے، اتنا وݙا خسارہ کوئی وی حکومت برداشت نئیں کرسگدی، شرح سود ودھݨ نال روپے تے دباؤ آندا پئے، زرمبادلہ دے ذخائر چنڳے کائنی۔ مفتاح اسماعیل آکھیا جو عمران خان کوں ملک و قوم دے خلاف اپݨے جرائم دا ولدا ݙیوݨا پوسی۔
