اسلام آباد۔13مئی(اے پی پی سرائیکی نیوز سروس)اساں سرائیکی وسیب کوں پاݨی ݙیوݨ کیتے انہاں دی آواز تےطاقت بݨسوں۔ اے ڳالھ سیکرٹری انفارمیشن پنجاب اتے وزیراعلیٰ دے نامزد ایڈوائزر شہزاد چیمہ اے پی پی سرائیکی نیوز سروس نال ڳالھ مہاڑ کریندیں ہوئیں کیتی۔ انہاں آکھیا جو سب توں پہلے مقامی آبادی کوں آپݨی ذمہ واری نبھاوݨی پوسی، چولستان اچ پاݨی نہ ہووݨ ہک وݙا سنگین مسئلہ اے جینویں سندھ اچ تھر اچ پاݨی ݙیوݨ کیتے ماڈل بݨایا ڳئے اینویں ای سرائیکی وسیب کیتے پراجیکٹ ٻݨایا ونڄے اتے ایں مسئلے کوں مستقل بنیاداں تے حل کیتا ونڄے۔انہاں آکھیا جو ایں اچ سب توں وݙا کردار اتھوں دے وسݨ آلے ادا کرن، میں چولستان اچ پاݨی دے مسئلے کوں حل کراوݨ کیتے سرائیکی وسیب دے نال ہم اتے میں انہاں دی آوازاتے طاقت بݨساں۔
