اسلام آباد۔14مئی (اے پی پی):صدر مملکت ڈاکٹر عارف علوی ملک دی تکھی رفتار ترقی کیتے انفارمیشن ٹیکنالوجی کوں استعمال کرݨ دی لوڑھ تے زور ݙیندے ہوئیں آکھیے جو آئی ٹی دے شعبہ کوں ترجیح ݙے تے پاکستان گھٹ ویلھے اچ ترقی دیاں منزلاں طے کرسڳدے ، آئی ٹی دا شعبہ دی ملکی معیشت دی ترقی اتے لوکاں کوں روزگار ݙیوݨ اچ ٻہوں وݙا کردار اے ، اے ڳالھ انہاں فاطمہ جناح پارک اچ ”فیوچر فری لانس فیسٹ 2022“توں خطاب کریندے ہوئیں آکھی اے جیں دا اہتمام جے ایس بینک پاکستان فری لانس ایسوسی ایشن اتے ٻئے اداریں دی سانجھ نال کیتا ڳیا ہئی ۔ تقریب اچ سپیشل ٹیکنالوجی زون اتھارٹی دے چیئرمین عامر ہاشمی اتے جے ایس بینک دے عمران حلیم شیخ سودھے مختلف اداریں دے سی ای اوز اتے آئی ٹی دے ماہرین شرکت کیتی۔
