اسلام آباد۔14مئی (اے پی پی) وفاقی وزیر برائے منصوبہ بندی ترقی تے اصلاحات وخصوصی اقدامات احسن اقبال آکھیا جو ڈیجیٹلائزیشن دی صورت اساں ایجھی تبدیلی ݙیکھدے پیوں جیڑھی پہلے نی ݙٹھی ڳئی، جیڑھی قوماں ڈیجیٹلائزیشن کوں اپنیسن اوہی اڳوں نکلسن اتے پاکستان کیتے وی ایں شعبے اچ موقع موجود ہن۔ اے ڳالھیں انہاں ہفتے کوں اسلام آباد اچ تقریب توں خطاب کریندیں ہوئیں آکھی۔ انہاں آکھیا جو جینویں کہیں شعبے اچ نویں آوݨ آلیاں کیتے اڳوں ودھݨ دا موقع ہوندے، پاکستان کنے وی آئی ٹی دے شعبے اچ ایجھے موقع ہن۔ اساں ݙے انگلش الاوݨ آلے نینگراں دی چنڳی تعداد اے ایں کیتے اساں ایں شعبے کوں تکھے اڳوں ودھا سڳدوں۔
