لاہور۔14 مئی(اے پی پی) پاکستان کرکٹ بورڈ (پی سی بی ) آکھیے جو ویسٹ انڈیز دے خلاف سیریز کیتے قومی کرکٹ ٹیم دا اعلان 23 مئی کوں تھیسی۔ آکھیا ڳئے جو سیریز کیتے چݨیے ڳئے کھلاڑیاں دا تربیتی کیمپ 29 مئی یا یکم جون توں راولپنڈی اچ شروع تھیسی ڄݙاں جو انگلینڈ اچ موجود کھلاڑیاں کوں وی سݙیا ویسی جیڑھے کرکت کائونٹی کیتے انگلینڈ اچ ہین۔ پی سی بی آکھیے جو 13 جون کوں نیدر لینڈز اتے سری لنکا دے ٹورزکیتے وی ٹیماں دا اعلان تھیوݨے۔ ویسٹ انڈیز دے خلاف سیریز دا پہلا آپشن راولپنڈی وینیو اے ٻھل بیک اپ پلان اچ ملتان وی ہے ڄݙاں جو لاہور اتے کراچی اچ وی پچاں ٻݨدیاں پن۔
