پشاور۔14 مئی(اے پی پی)پشاور اچ حساس اداریاں اتے انسداد دہشتگردی محکمہ (سی ٹی ڈی) دے کٹھے آپریشن اچ کوچہ رسالدار خود کش حملے دا ماسٹر مائنڈ دہشت گرد اپݨے ٻانھ ٻیل نال ماریا ڳئے۔ اے آپریشن پشتخرہ اچ تھئے۔ مرݨ آلے دہشت گرد کالعدم تنظیم دے کارندے ہن جیڑھے پشاور اچ وݙی کاروائی کیتے خود کش بمبار تیار کرتے موجود ہن۔ کارروائی اچ 2 دہشت گرد ہلاک تھین اتے 3 توں 4 دہشت گرد موقع توں ٻھڄ ڳین۔ ہلاک دہشت گرد ماسٹر مائنڈ حسن شاہ کوچہ رسالدارخود کش حملہ، پولیس تے حملاں سودھا ٹارکٹ کلنگ اتے ٻئے کئی سنگین مقدمات اچ مطلوب ھا۔
