اسلام آباد۔15مئی (اے پی پی) وفاقی وزیر اطلاعات مریم اورنگزیب دی میرانشاہ اچ خودکش دھماکہ دی مذمت کریندیں ہوئیں آکھیا جو شرپسند عناصر امن و امان دی صورتحال خراب کرݨ چاہندن۔ ایجھی بزدلانہ کاروائیاں نال اساݙے حوصلے پست کائنا تھیسن۔ اتوا کوں آپݨے ہک بیان اچ انہاں آکھیا جو ملک اچ امن و امان دی بحالی کیتے سکیورٹی اہلکاراں دی قربانیاں ضائع نہ ویسن۔ انہاں مذمت کریندیں ہوئیں شہداء دے درجات دی بلندی کیتے دعا کیتی۔
