اسلام آباد۔15مئی (اے پی پی) وزیراعظم شہبازشریف شیخ خلیفہ بن زید النہیان دی وفات تے تعزیت کیتے متحدہ عرب امارات پڄ ڳئے۔ وزیراعظم آفس دے میڈیا ونگ دے مطابق وزیراعظم شہبازشریف لندن توں واپسی تے متحدہ عرب امارات پڄین۔ وزیراعظم شہبازشریف اڄ اتوار کوں یو اے ای دے نومنتخب صدر عزت مآب شیخ محمد بن زید النہیان نال مرحوم صدر دی وفات تے تعزیت کریسن۔ وزیراعظم محمدشہبازشریف حکومت پاکستان اتےعوام ولوں یو اے ای دی قیادت اتے عوام نال افسوس کریسن۔
